كيكة التفاح الرائعة بمذاق لا يقاوم

المكونات:

3-4 حبات من التفاح

2 ملعقة كبيرة من عصير الليمون

1 ملعقة صغيرة من القرفة

2 ملعقة كبيرة من السكر

1 كوب شاي من الجوز المطحون

1 ملعقة كبيرة من جوز الهند

مكونات الكيك:

3 حبات من البيض

2 كوب شاي من السكر

2 كوب شاي من الزيت (250 ml)

2 كوب شاي من اللبن (250 ml) ( الزبادي )

4 كوب شاي من الطحين

1 باكيت من البيكينج باودر

1 باكيت من الفانيليا

طريقة التحضير:

1- بالبداية هناخد حبات التفاح و نقشرهم بعدين نشيل منهم العقب و نفرمهم على شكل ناعم و لما نخلص نحطهم في طبق مناسب

2- بعدين هنضيف على حبات التفاح عصير الليمون و نحركهم مع بعض و نضيف القرفة و السكر و نحركهم مع بعض منيح للمرة الأخيرة

3- اما هلق لتجهيز الكيك هنضيف البيض و السكر و نخفقهم مع بعض بالخفاق الكهربائي لحتى يتغير معنا لون البيض

4- بعدين هنضيف الزيت و اللبن و نحركهم مع بعض كمان مرة و نضيف الطحين, البيكينج باودر و الفانيليا و نحرك المكونات مع بعض للمرة الأخيرة و هيك بكون جهز معنا خليط الكيك

5- اما هلق هناخد قالب سهل الفتح و نحط في قطعة من ورق الزبدة و نضيف عليه خليط الكيك اللي جهزناه و نوزعه على كل الاطراف بشكل متساوي

6- بعدين هنضيف على خليط الكيك خليط التفاح اللي جهزناه و نوزعه على كل الأطراف بشكل متساوي

7- و اخيرا هنضيف الجوز المطحون و جوز الهند على الكيك لحتى يعطونا طعم جميل

8- و لما نخلص ندخل الكيك على فرن حامي على درجة حرارة 175 لمدة 40 دقيقة و لحتى نتاكد انه جهز معنا الكيك فينا نعمل كنترول بعود من عيدان الخشب

9- بعد ما تخلص معنا المدة و نطالع الكيك من الفرن هنستنا عليه لحتى يبرد بعدين هنقدمه بالطريقة اللي منحبها

و صحة و عافية